冰川之森

今天一早七點幾起身同老豆去醫院看醫生. 因為佢話佢去洗手間時出血,又少少唔comfortable. 所以咪同佢去沙田果間威爾x xx醫院去看急症又同公司請左一天事假

我地八點九就去到登記,之後去到分流站,護士查間後就安排我們在大堂等候,其實初時去到都見到唔係好多人, 得個十幾個人, 心想以為應該可以好快睇到知咩事. 因為我老豆以為有胃出血前科, 所以唔知會否又有事. 所以希望快d見到醫生看下會好d. 結果等下一個小時,等下又一個小時.等到我老媽放PT job 來到成12點幾都在等, 之後一行3人繼續等, 1點,2點過去,等到有點肚餓,我就先去左醫院個膳食部想買飯吃,點知去到咩都冇得吃. 個餐list 有成10款東西,但樣樣都話冇, 得番個燒味飯. 鄰近有個大d 膳食部,不過d 人話唔比人入,只係比醫院工作人員入. 我心中一時就來想發火了. “xxyyzz” 我地lee d 街外人唔係人來ar. 點解我地想吃個飯都冇. 你地大把野賣都唔比外人買. 跟住我行左三個幾字走左去小歷源買兩碗墨丸麵,2個包返去吃.等下又一個小時, 終於等到3點幾先有得入去看醫生, 結果醫生話我老豆唔係胃出血,可能係因為生左自瘡而出血,再叫佢排期看腸胃及驗查一下. 因為我老豆年齡都大, 過多幾年都七十了. 之後又去再等排期,再去拿藥, 走果時都成四點半,返到Ma on shan 中心買少少野cook rice , 回家都成六點幾了. 之後再幫手煮下野,煲下魚湯都七點幾,吃完再整理下,洗完白白都八點了. 但不知道點解今天比平時返工更tired. 所以今天連教會小組都唔想返, 在家幫下手做野,等一下九點多就想訓了

今天同返工冇分別, 在醫院呆住了長達差唔多八個小時. 都唔知d 間係咩醫院來, 話係有分流,緊急,危急有優先, 那次緊急要等四小時, 非緊急的要等上六小時以上. 我老豆分左為次緊急, 但我地足足起碼等左成六個幾七小時先見到醫生. 班醫生都唔係路, 只有2,3個人住診, 起碼半個小時先叫一個人入去見醫生, 但唔夠3分鐘d病人就由房行番出來. 到底班友仔係唔係做野. 雖然我都知政府野係勁慢勁吞port. 但都冇理由離譜到慢過豬油膏ar ma.我都明白佢地係想d唔冇謂人,傷風等想佢地因為知道要等一天, 想佢地轉移去看私家, 但都冇理由做野做到這樣慢吞吞. 分別係想用時間來打發人走. 我今日由晨早新聞開始煲,再煲財經,劇集, 之後又再煲午間新聞再煲下午劇集, 坐到我條backbone又痛,頸又痛,shoulder又痛. 因為個死人電視機在頭頂上, 要看要保持頭昂昂的post先見到. 整個人好似變左木頭公仔. 眼見同時期來登記的人又係次緊急的病人走下一個走下一個.但等來等佢都未到我地. 我真係唔多好老脾, 有時見到d中年, 少年人, 都入左去看醫生又走曬. 好似坐在身旁的男人見到佢個樣都不知幾精神, 老虎都可以打死幾隻, d 細路走來走去,又看漫畫, 都不知幾精神, 但佢地個個都早過我老豆, 都唔知lee 間PK醫院點做分流, 這樣等,就算冇病都變有病,小病都變大病. 唔通因為香港老人家多,所以費時早叫佢地, 死多一個養少一個ar .吹脹.

奉勸日後想看急証的, 最好call 999 叫人送入來, 要同d醫護人員講誇一點, 要生要死, 再唔係先在家等病情惡化一下, 要就快頂蓋 時才叫999 . 那入到醫院就可以第一時間有人理你, 可以優先處理,一定有床位比你, 專人服務. 我終於明白點解d人話好多人call 999,原來真係冇佢道理. 真係唔駛客氣地用政府野, 因為政府經常養班費柴. 肥上瘦下, 有次在醫院見到, 我見班HCA做到PK 忙過不停,但班護士,醫生在休息, 又講又笑.有病人嘔吐都唔知, 我好心叫佢地班費柴來理下個病人( 那間係TKO 靈x 醫院)

唉,現實都冇計, 鬼叫你窮咩, 所謂有錢洗得鬼推磨, 冇錢,只好等等等. 分分鐘病死左會快過見到醫生. 另外d門診都係PK. 早2日打去都話full booking . 頂, 邊有人會早幾日知自己有病, d公公婆婆真係好慘, 好多時都要等等等. 一生人都在等. 一分一秒就過去, 分分鐘好多長期病隨星期要看醫生, 又要去醫院等足一天. 如果比我就的有長期病, 我真係想死好過這樣等. 那不是有時間地等, 是冇了期地等.  因為我同老豆走之前, 老豆同個師奶講左幾句. 原來個師奶比我地更早來, 但佢連非緊急都唔係, 今日都唔知要等到幾時, 晚上十點又唔定, 通宵都唔定. 佢更慘.

政府的醫療根本就係想比有錢人用, 冇錢返歸叫你等死