冰川之森

今天外面掛3號波, 我家何止3號, 廿號都唔止.

今天早上得我同媽在家, 對話中聽到媽話早前問細佬點解日日都成十二點幾先返, 之後細佬講話讀多幾個月都冇讀再讀, 媽就問佢點解, 佢話之前學校收左佢讀一年級, 不過reject左. 叫媽唔好同我地講. 之後打左個突, 我都唔知有lee間事, 媽話細佬都係早2日同佢講, 那reject左冇得番轉頭, 因為唔讀大把人會讀上去. 之後我同妹就分頭打去問細佬, 那到底係唔係真, 佢話係, 冇得返轉頭wor .

之後在對話中, 我老豆剛返到聽到我地講野, 跟住廿號風球就開始了,

老豆 : 重咩唔比細佬讀上去, 人地收左.

老媽 : 係你日日之前都係同個仔講叫佢讀完好找工作, 人地未讀完, 你日日都叫佢唔好讀. 快d 出來叫佢找工. 我都話拿十萬比佢讀左第一年先算.

老豆 : 唔讀大學都找唔到工, 咩副學士冇人認佢的學歷

我 : 嘈咩, (向老豆講), 一向都係你叫細佬讀完中五中七就出來做野唔好讀, 係我比佢讀City政府資助果d 副學士. 你之前都叫我同細妹唔好讀,讀大學冇用,出來做野好過.

老豆 : 發脾氣:你地都讀唔上去, 所以先唔比你地讀之ma .  係我冇用, 冇錢, 那我等一下跳樓死左佢, 你地唔駛養我.

老媽: 你發咩脾氣.

我 : 嘈咩嘈,幾時有話唔養你.

老豆 : 等一下跳樓死左佢, 你地唔駛養我 ,跟住走左出去話唔在家吃飯.

之後打左比細妹同細妹講, 現在都冇法去回頭問老師再有沒有機會可以讀番. 我同細妹email (佢在公司,我在家) . 我指我好唔開心, 好down. 細妹話, 那唔好理老豆, 我地一早未讀完中七都叫我地出來做野, 又話讀大學冇用, 讀完都係找七八千蚊人工, 我地2個其實都可以讀到上去, 只不過冇錢讀, 所以都要出來做野 . 跟住細妹話, 佢地2隻野一早都係想細佬讀完副學士出來做野, 又cut d 報紙新聞叫佢見工, 申請. 現在係怕細佬唔讀出來找份人工低的工做姐. 我地大家留意下有咩好政府工,叫佢申請試下law.

不過老實我自己一個人在家中都好唔開心, 自己一路打字做工作的野, 一路都在落淚, 因為我覺得我都應該負責任, 因為早前有同過細佬講叫佢唔好讀, 因為冇錢. 現在聽到佢讀人地收左佢讀上去, 先話可以再同大家屋企人再想下先好回人地唔讀. 但佢因為見左老師講左唔讀, 先同老媽講, 都成半個月的事了. 那我覺得係我自己左住左唔比佢讀上去 , 所以我好傷心, 係我唔好. 因為講真我都明白有得讀, 收左後, 而冇錢唔冇得讀又係好慘. 就算那一剎那, 我剛打左比個朋友好想同佢講, 點知打唔到.

現在心都好難平靜下來, 1 / 我要負責任因為我在這事上有不對, 因為之前冇想清楚就話左冇錢唔比佢讀,都有叫佢出來找工做, 之後最多半工讀上去再進修 2/ 其實現在真係唔知佢讀完,畢業後可以做d 咩, 3/ 如果真係讀上去, 到底有沒有錢供佢讀都係未知知數,不過一年又不知一年事, 分年供又未必唔可以供到. 但現在已經太遲了. 4/ 今年下半年的經濟又真係差左, 都唔知叫佢做d 咩工, 好似佢今年找工,同當年我同細妹又係一樣, 經濟唔好, 冇咩好工, 人工又低. 5/我好明白有機會但冇書讀的感受. 因為我同細妹都係一樣有機會, 但冇錢讀, 所以完全明白他的心情. 5/ 好內疚

就先我媽話: 細佬一向都係好少氣, 好女仔脾氣, 唔可以多話多嘈, 佢會唔高興的, 會怕人煩. 我話:我之前係估到讀唔到上去先講叫佢做野, 但學校真係收左佢,就應該真係坐下來同我地講下先, 看一下再回學校, 佢都冇講我點知呢. 日日佢返來我都訓左, 我已經好耐都冇見過佢了.

現在老豆剛剛返左來回了房, 其實老豆就先話跳樓死, 我真係差d話, 去la 去la , 嘈嘈嘈, 可能由細到大我一向都唔多喜歡佢, 成日都講讀書冇用, 最好嫁人, 讀完中五好出來做野. 所以我一向有心病. 我記得在我讀緊中五到. 有次佢同媽同我講話叫我相睇, 有個有屋, 有d 錢, 我話咩人來. 跟住佢話係老豆的同事,不過好似話年齡係三十幾, 我話:下 這樣大, 我唔去. 跟住佢地冇聱出, 之後我媽同我講, 之後八到好似係年齡係四十幾.我話大我廿幾年, 唔係ar ma . 果時我都好唔好心, 都有想過係唔係要去, 是旦結左婚,離開左個家庭就可以唔駛煩.之後讀中七又有一個介紹來比我,那次 我有一個讀急救course 的朋友同我講, 你唔好想, 你想一生人就玩完ar. 你這麼細,你都係想找個一生一世的人, 佢大你那麼多, 你都未必接受到, 那結左都未必開心, 分分鐘都係離婚收場. 我都覺得係, 之後都好唔喜歡我老豆. 唔知係唔係有影響, 所以我之後到現在都,當中都有幾個男仔係對我有意思 , 不過當我feel到時,我都會走路, 係表現得特別唔再理人地. 我覺得可能我對男性係有一種怒,怨. 男性朋友我都有不少, 不過都永遠係好保持一個朋友關係, 點玩都得, 咩都唔介意. 但對於要結婚,拍拖, 我個人完全唔想. 我喜歡自己一個人. 可能我這個心病係由細到現在都未好. 因為當中佢地不只叫我相睇一個, 有d大我十年都叫我去.早幾個月前又介紹左一個比家姐, 不過家姐唔喜歡就問我點, 佢ok唔ok .那個有樓x 2層, 又係Mgr 來 在大公司做. 不過又係成30尾40,頭 , 又係大我十幾年. 我完全no way la .點講野姐.  現在又經常叫我去認識下男仔, 之後結婚有人照顧一下,我都明佢地關心我, 但我了解佢地怕我日後冇人照顧冇伴到老, 不過我都係同佢地講唔好煩我, 話左唔結, 點解一定要結婚, 我討厭男性動物, 做朋友冇所謂, 只是可以在這個關係之中. 我應該係冇得救. 除非真係找到一個人可以解到我心病, 如果唔係我應該唔可以走出lee個框框. 所以有時朋友話有好男仔介紹比我. 我都係話好la . no problem .不過都冇咩心想去認識人地.

現在我心中最重要的事是要去處理家中問題, 次次都日日新鮮,日日甘. 如果好似老豆話想死. 我想我第一個就應該要去死先la .那你又唔駛煩我, 我又唔駛煩你. 嘈可以解決到問題ma ? 吵鬧不停大家好過ma . 現在事實都在眼前, 老佬的前路都一定係考完試出來就要做野,冇得讀, 那應該要同佢再談下想點先係,

我頭,我心, 我全人都好唔comfortable. 來緊又返工忙又煩, 現在家又煩, 我…… 到底….應該…. 要…. 如何…. 去處理…. 心情到現在打緊風一樣.